Бишкек, 16.02.26. /Кабар/. Аламүдүн жана Москва райондорунда азык-түлүк жарманкеси өттү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Иш-чаранын алкагында жергиликтүү тургундарга жеткиликтүү жана туруктуу баада эт азыктары, сүт азыктары, жашылча-жемиштер жана негизги тамак-аш товарлары сунушталды. Жарманкеге жергиликтүү дыйкандар, фермердик чарбалар жана кайра иштетүүчү ишканалар түздөн-түз катышып, ортомчусуз соода жүргүзүүгө мүмкүнчүлүк түзүлдү.
"Жарманкенин негизги максаты — калкты сапаттуу жана жеткиликтүү азык-түлүк менен камсыз кылуу, баалардын негизсиз өсүшүн алдын алуу, ошондой эле өндүрүүчүлөр менен керектөөчүлөрдүн ортосунда түз байланыш түзүүгө шарт түзүү болуп саналат",-деп айтылат маалыматта.
