Бишкек, 09.06.26. /Кабар/. А.Ф.Можайский атындагы Аскердик-космостук академиясында билим алып жаткан Кыргызстандын курсанттары күжүрмөн камсыздоонун айрым түрлөрү жана тактикалык медицина боюнча өткөн эл аралык олимпиадада ийгилик жаратышты.
Коргоо министрлигинен билдиришкендей, эки этап менен уюштурулган мелдешке Кыргызстандын атынан 6 курсант катышкан.
Алар төмөнкүдөй жыйынтыктарга жетишти:
- Академиянын өзүнүн командалары арасында радиациялык, химиялык жана биологиялык коргонуу боюнча "Коопсуз чөйрө" сынагында 1-орунду ээлешти;
- Жогорку аскердик окуу жайлардын арасында өткөн олимпиаданын жалпы командалык эсебинде да 1-орунга татыктуу болушту.
