Бишкек, 07.04.25. /Кабар/. Санариптик өнүгүү жана инновациялык технологиялар министрлиги жарандарды шылуундардан сак болууга чакырат.
Ведомстводон маалымдашкандай, акыркы учурда өздөрүн мамлекеттик органдын кызматкери катары тааныштырып, жарандардан жеке маалыматтарды сураган учурлар көбөйдү.
Эсиңизде болсун:
- мамлекеттик органдар өздөрү биринчи болуп чалбайт;
- жеке маалыматты (СМС, мессенджер аркылуу) сурабайт!
Эмне кылуу керек?
- логин, сыр сөз, карта номери сыяктуу маалыматтарды эч качан айтпаңыз;
- шектүү чалуулар болсо — дароо укук коргоо органдарына кайрылыңыз
Өзүңүздү жана жакындарыңызды коргоңуз, сак болуңуз!
