Бишкек,28.02.25./Кабар/. Саламаттык сактоо министри Улуттук госпиталдын борборлоштурулган кабыл алуу бөлүмүнүн иши менен таанышты7
Ведомстводон билдиришкендей, саламаттык сактоо министри Эркин Чечейбаев Улуттук госпиталда болуп, анда жаңы борборлоштурулган кабыл алуу, шашылыш медициналык жардам көрсөтүү бөлүмүнүн иши менен таанышты.
Белгиленгендей, иш-чаранын жүрүшүндө Улуттук госпиталдын башкы дарыгери Бакыт Төлөгөнов министрге бөлүмдүн ишинин уюштурулушу, жабдылышы жана функционалдык мүмкүнчүлүгү менен тааныштырды.
"Ооруканага ыкчам жаткырууну оптималдаштыруу жана тез жардамдын сапатын жогорулатуу үчүн Улуттук госпиталдын ИОВ бөлүмүнүн имаратынын базасында борборлоштурулган кабыл алуу, шашылыш медициналык жардам бөлүмү түзүлдү",-деп айтылат маалыматта.
