Бишкек, 16.02.26. /Кабар/. Өзгөчө кырдаалдар министрлиги өлкөнүн унаа жолдорунда кар көчкү түшүү кооптуулугуна байланыштуу шашылыш билдирүү таратты.
Маалыматка ылайык, 16-февралдан 18-февралга чейин күтүлүп жаткан жаан-чачынга байланыштуу өлкөнүн тоолуу райондорунда жана ашууларында кар көчкү түшүүсү жана кар күрткүсү күтүлөт.
Кооптуу тилкелердин тизмеси:
- Бишкек – Ош унаа жолу: Төө-Ашуу ашуусу, Чычкан капчыгайы жана Ала-Бел ашуусу;
- Суусамыр – Талас – Тараз: Өтмөк ашуусу;
- Мырзаке – Кара-Кулжа – Алайкуу: 55-115 чакырымдары;
- Ала-Бука – Каныш-Кыя: Чапчыма ашуусу;
- Красная-Горка – Акташ: 0-3 чакырымдары;
- Сары-Таш – Дароот-Коргон – Карамык: 97-98 чакырымдары;
- Бишкек – Нарын – Торугарт: Долон ашуусу;
- Балыкчы – Казарман – Жалал-Абад: Көк-Арт ашуусу;
- Каракол – Эңилчек: Чоң-Ашуу ашуусу;
- Арал – Миң-Куш жана Арал – Суусамыр 8-21 км тилкелери.
Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.
