Бишкек, 02.12.25. /Кабар/. Ош шаарындагы Ю. Гагарин атындагы мектеп толук капиталдык оңдоп-түзөөдөн өткөрүлүп, бүгүн расмий түрдө пайдаланууга берилди.
Шаардык мэриядан билдиришкендей, билим берүү мекемесинин ремонт иштерине республикалык бюджеттен акча каражаты бөлүндү. Эки кабаттуу мектептин ичи, сырты актап-сырдалып, чатыры жаңыланып, окуу бөлмөлөрү толугу менен оңдолду. Спорт зал, ашкана, ажатканаларынан бери жаңыланды.
Ошондой эле парта, отургуч жана башка керектүү жабдуулар толугу менен жаңыларына алмаштырылып, окуучулар үчүн ыңгайлуу шарттар түзүлдү.
