Бишкек, 06.03.26. /Кабар/. Ошто суу жээгиндеги мыйзамсыз курулуштар буздурулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, Мамлекеттик архитектура-курулуш контролдоо департаментинин Ош региондук башкармалыгы тарабынан Ноокат районунун Кулатов айыл аймагындагы Абыш-Сай тилкесинде жайгашкан курулуш объектилери текшерилди.
Анда К.А.К. аттуу жаранга тиешелүү 78 гектар жерге курулган кичи жана капиталдык объектилер Абшыр-Сай дарыясынин суу коргоо зонасына мыйзамсыз жайгаштырылганы аныкталган.
Буга байланыштуу курулуштар демонтаждалууда.
Министрликтен белгилешкендей, суунун жээги табигый экосистеманын өзөгү болгондуктан, аталган аймактарда курулуш иштерине мыйзам чегинде катуу чектөөлөр каралган.
Ошондой эле мекеме суу зоналарын сактоо иштери мындан ары да улантыларын кошумчалады.
