Бишкек, 09.01.26. /Кабар/. Ош шаарынын Алымбек датка көчөсүндөгү ирригациялык инфраструктуралар оңдолот. Бул тууралуу мэриядан билдиришти.
Маалыматка ылайык, мэр Жеңишбек Токторбаев Алымбек датка көчөсүндө ирригациялык инфраструктураларды жакшыртуу максатында чирип, жараксыз абалга келген дарактарды кыюу иштерин жеринен көрдү.
Ошондой эле шаар башчысы оңдоо иштерин тез арада бүтүрүү тапшырмасын койду.
“Бак-дарактарды алып, жолду кеңейтип жатабыз. Бактарды кыйып жатат деп, эл туура эмес түшүнбөш керек. Бул бактар жарабай, чирип деле калыптыр. Тамырлары да жок, ичи көңдөй. Булар абдан кооптуу болуп калган. Эми ордуна жаңы бактарды отургузабыз, арыктар тартылат”, - деди ал.
