Бишкек, 11.02.26. /Кабар/. Бүгүн Ош шаарында 280 орундуу Көкүм-Бий балдар бакчасы ачылды. Бул тууралуу муниципалитеттен билдиришти.
Маалыматка ылайык, балдар бакчасы бардык талаптарга жооп берген шарттар менен камсыздалып, кенен жана жарык тайпалар, оюн аянтчалары, коопсуз жана ыңгайлуу шарттар каралган.
Белгилей кетсек, аталган бала бакча 1998-жылы мыйзам талаптарын бузуу менен жеке менчикке өтүп кеткендиги аныкталган.
Шаар башчысынын тапшырмасына ылайык, бала бакчанын фасадын сырдоо, ички бөлүгүн жасалгалоо жана балдар ойноочу аянтчаларын куруу иштери жасалган.
