Бишкек, 05.12.25. /Кабар/. Ош шаарындагы А.Жунусов көчөсү капиталдык оңдоп-түзөөдөн өткөрүлүп, бүгүн пайдаланууга берилди.
Муниципалитеттен билдиришкендей, көчөнүн жалпы узундугу 700 метр, кеңдиги 24 метр, 4 тилкелүү болуп оңдолду.
Эки тарабына жөө жүргүнчүлөр үчүн тротуар, жашыл аймак каралып, суу түтүктөрү тартылып, ирригациялык лотоктор орнотулду.
Эске салсак, Ош шаарынын мэри Жеңишбек Токторбаев рейддик кыдыруу учурунда аталган көчөгө барып, жолду кеңейтүү жана асфальттоо тапшырмасын берген. Анын алкагында тоскоолдук жараткан бир канча курулуштарды алып салуу жумуштары жүргөн.
Көчөнү оңдоп-түзөө иштери толугу менен жергиликтүү бюджеттин эсебинен каржыланып жасалды.
