Бишкек, 19.06.26. /Кабар/. Президенттин Иш башкармалыгына караштуу "Кызмат" жана "Түндүк" мамлекеттик мекемелери Ош шаарынын тургундары үчүн санарип кызматтар боюнча кеңештерди берүүдө. Бул тууралуу мэриядан билдиришти.
Маалыматка ылайык, анда адистер жарандарга "Түндүк" электрондук кызмат көрсөтүү порталын колдонуу, санарип документтерди алуу жана мамлекеттик кызматтарга онлайн кайрылуу тартибин түшүндүрүп, жеринде суроолорго жооп беришет.
Кеңештер бүгүн төмөнкү даректерде уюштурулуда:
- 10:00дөн 12:00гө чейин Араван көчөсү тарапта
- 15:00дөн 17:00гө чейин "Нурзаман" соода борборунун жанында.
Бардык кызыккан жарандар үчүн кызмат көрсөтүү акысыз.
