Бишкек, 12.12.25. /Кабар/. Бүгүн Ош шаарында акын Алишер Навоинин эстелиги орнотулуп, ачылыш аземи өттү. Бул тууралуу муниципалитеттен билдиришти.
Эстелик Курманжан датка жана Алишер Навои көчөлөрүнүн кесилишине тургузулуп, айланасы оңдоп-түзөөдөн өткөрүлдү.
Белгиленгендей, иштер жергиликтүү бюджеттин эсебинен жүргүзүлдү.
Аны менен бирге А.Навои көчөсү (Г.Айтиев көчөсүнөн Алымбек датка көчөсүнө чейин) реконструкцияланып, толугу менен пайдаланууга берилди. Жолдун узундугу 2,8 чакырым, кеңдиги 25-26 метр, 6 тилкелүү.
Иш-чарага жергиликтүү бийлик органдарынын жетекчилери, Өзбекстандын маданият министри Озодбек Назарбеков жана Андижан облусунун акими Шухрат Абдурахманов жана жергиликтүү жашоочулар катышты.
