Бишкек, 25.04.24./Кабар/. Бүгүн президенттин Ош облусундагы өкүлү Элчибек Жантаев Кара-Кулжа районунунун 1-май айылынын тургуну, оруктун ардагери 93 жаштагы Саадат Алиевадан кабар алды. Бул тууралуу өкүлчүлүктөн билдиришти.
Облус жетекчиси Саадат эненин абалын сурап, Улуу Жеңиштин 80 жылдык маарекеси менен куттуктап, согуш жылдарында жаш экендигине карабастан тылда эмгектенип, жеңиштин келишине салым кошкондугу үчүн ыраазычылыгын билдирип, белегин тапшырды.
Алиева Саадат апа 1932-жылы Кара-Кулжа районунун 1-Май айылында туулган. Жаштыгына карабастан оор жылдары айыл чарбасында, айрыкча тамекичилик тармагында үзүрлүү эмгектенип, тылда эмгек кылуу менен Улуу Жеңишке өз салымын кошкон.
Саадат апа 1964-жылы Совет колхозунун №6 бөлүмүндө жумушчу болуп иштей баштап, өмүрүнүн көп жылдарын эмгек майданына арнаган. Көп жылдык ак ниет эмгеги үчүн "1941–1945-жылдардагы Улуу Ата Мекендик согуш учурундагы каарман эмгеги үчүн" медалы менен 2006-жылы сыйланган. 4 уул, 5 кыздын энеси.
