Бишкек, 18.06.26. /Кабар/. Бишкек шаарында Мамлекеттик камсыздандыруу уюму тарабынан ОСАГО боюнча 9,6 млн сомдон ашуун камсыздандыруу төлөмдөрүн расмий тапшыруу иш-чарасы өтүүдө.
Маалыматка ылайык, камсыздандыруу төлөмдөрү филиалдар боюнча төмөнкүдөй бөлүштүрүлгөн:
- Бишкек филиалы – 5 млн 108 миң 526 сом
- Ош филиалы – 449 миң 166 сом
- Чүй филиалы – 722 миң 400 сом
- Баткен филиалы – 101 миң 960 сом
- Жалал-Абад филиалы – 2 млн 206 миң 568 сом
- Ысык-Көл филиалы – 628 миң 165 сом
- Нарын филиалы – 254 миң сом
- Талас филиалы – 143 миң 620 сом
Жалпысынан камсыздандыруу төлөмдөрүнүн көлөмү 9 млн 614 миң 405 сомду түзөт.
Иш-чаранын алкагында өлкөнүн ар кайсы аймактарында болгон жол кырсыктарынан жабыр тарткан жарандарга төлөнүүчү камсыздандыруу каражаттары тууралуу кеңири маалымат берилип, төлөмдөр расмий түрдө тапшырылууда.
Белгилей кетсек, ОСАГО боюнча камсыздандыруу төлөмдөрү – бул жол кырсыгы болгондо жабыр тарткан адамдарга камсыздандыруу компаниясы тарабынан төлөнүүчү акча каражаты. Ал айдоочунун күнөөсү далилденген учурда, каршы тараптын ден соолугуна же мүлкүнө келтирилген зыянды жабуу үчүн берилет. Башкача айтканда, бул төлөмдөр кырсыктан улам чыгымдарды жеңилдетүүгө жардам берет.
