Бишкек, 06.11.25. /Кабар/. Новопокровка айылында мыйзамсыз таштанды төгүү жайы аныкталды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, Жайылма айыл өкмөтүнүн Новопокровка айылынын аймагында 3-зонанын жанында жерди текшерүү жүргүзүлүп, мыйзамсыз таштанды төгүү жайы (стихиялык свалка) табылды.
Бул көрүнүш айлана-чөйрөгө жана калктын санитардык абалына олуттуу зыян келтирип жатат. Айыл өкмөтү жана адистер жергиликтүү тургундар менен түшүндүрүү иштерин жүргүзүп, таштандыларды уруксаты жок жерге төгүүнүн кесепеттерин маалымдашты.
Бардык тиешелүү материалдар Экология жана техникалык көзөмөл кызматына өткөрүлүп, мыйзам чегинде чаралар көрүлөт.
