Бишкек, 09.03.26. /Кабар/. Ноокенде карызкордон ири суммадагы алимент өндүрүлдү. Бул тууралуу Башкы прокуратурадан билдиришти.
Маалыматка ылайык, карызкор Э.Т.П. Ноокен райондук сотунун чечимине ылайык белгиленген алиментти узак убакыт төлөбөй келгендиктен, ага кылмыш иши козголгон.
Жүргүзүлгөн иштердин жыйынтыгында карызкордон 588 миң сом алименттик карыз өндүрүлүп, каражат өндүрүп алуучуга толугу менен өткөрүлүп берилди.
