Бишкек, 19.06.26. /Кабар/. Ноокат районундагы цемент заводуна кошумча курулган өндүрүштүк блоктун имаратына инженердик текшерүү жүргүзүлдү. Бул тууралуу Курулуш министрлиги билдирет.
Текшерүү Кулатов айыл аймагында жайгашкан “Түштүк Кыргыз цемент” заводунда өткөрүлдү.
Адистер долбоордук документтер менен таанышып, имараттын конструкцияларынын ишенимдүүлүгүн жана сейсмикалык коопсуздук талаптарынын шайкештигин баалоо максатында конструкциялык элементтерге тиешелүү техникалык өлчөөлөрдү жүргүздү.
Текшерүүнүн жыйынтыгында курулуш конструкцияларынын техникалык абалы боюнча корутунду даярдалып, аларды мындан ары пайдалануу боюнча сунуштар иштелип чыгат.
