Бишкек, 26.06.26. /Кабар/. Ноокат районунда беш жаңы социалдык объекттин курулушуна капсула салынды.
Президенттин Ош облусундагы өкүлчүлүгүнөн билдиришкендей, курулуп жаткан объектилердин тизмеси төмөнкүдөй:
- Зулпуев айыл аймагындагы заманбап спорттук стадион;
- Кулатов айыл аймагындагы Апшыр-Ата орто мектеби;
- Эргешов атындагы орто мектеп;
- Колдошев атындагы орто мектеп;
- Уркуя Салиева атындагы тарыхый-маданий музей.
Капсула салуу аземине катышкан Ош облусунун башчысы Аманкан Кенжебаев жаңы мектептер, спорт стадиону жана музей жаштардын билим алуусуна, ден соолугун чыңдоосуна жана аймактын маданий өнүгүшүнө чоң түрткү берерин белгиледи.
