Бишкек, 03.03.25. /Кабар/. Нарын шаарында заманбап коомдук мончо куруу пландалууда.
Муниципалитеттен билдиришкендей, шаардын Көтөрмө аймагындагы 800 чарчы метр жер аянтына 200 орундуу мончону куруу “Нарын курулуш” мамлекеттик ишканасы тарабынан аткарылып, республикалык бюджеттен каржыланат.
Нарын шаарынын мэри Канболот Тутуев "Нарын курулуш" ишканасынын өкүлдөрү менен жолугушуп, коомдук мончонун имаратынын долбоорун даярдоону тездетүүнү талкуулады.
Өз кезегинде калаа жетекчиси имарат заманбап типте, бардык шарттары менен коопсуз, жайлуу жана көркөм болушу керектигин белгилеп, учурда Нарын шаарында муниципалдык коомдук мончого муктаждык чоң экендигин белгиледи.
