Бишкек, 19.12.25. /Кабар/. Өзгөчө кырдаалдар министрлиги 20-декабрда күтүлгөн аба ырайы тууралуу маалымат берди.
Ага ылайык, эртең өлкөнүн көпчүлүк аймагында кар жаашы ыктымал. Батыштан соккон шамалдын ылдамдыгы секундуна 4-9 метрге жетет. Айрым жерлерде туман түшүшү мүмкүн.
Абанын температурасы Чүй облусунда -1... +4, Талас облусунда -2… +3, Баткен, Ош, Жалал-Абад облустарында +2... +7, Ысык-Көл облусунда 0... +5, Нарын облусунда 0... -5 градус болот. Ал эми Бишкек шаарында абанын табы +1... +3 градусту түзөт.
Жолдор тайгак болот. Мындай аба ырайында узак жолго чыксаңыз жылуу кийинип, жаныңызга тамак-аш ала жүрүңүз. Унаа башкарууда аралыкты сактап айдаңыз!
