Бишкек, 19.10.26. /Кабар/. Нарын районунун Жан-Булак айыл аймагында жергиликтүү дыйкан-фермерлердин жана өндүрүүчүлөрдүн азык-түлүк жарманкеси өтүүдө.
Айыл чарба министрлигинен билдиришкендей, жарманкеде сапаттуу азык-түлүктөр базар баасынан арзан баада сатылып, түз өндүрүүчүлөрдөн сунушталууда.
Иш-чаранын максаты жергиликтүү дыйкандарды жана өндүрүүчүлөрдү колдоо, ошондой эле калкты сапаттуу жана жеткиликтүү азык-түлүк менен камсыз кылуу болуп саналат.
Белгилей кетсек, Нарын районунда жарманке ар жуманын дүйшөмбү күнү уюштурулат.
