Бишкек, 20.05.26. /Кабар/. 4-майда Бишкек шаарында Кайгуул милиция кызматынын кызматкери Адил Талгарбек уулу Чоң Чүй каналына секирип кеткен кызды куткарууда кайраттуулук жана чечкиндүүлүк көрсөткөн.
ИИМден билдиришкендей, окуяны көргөн милиция кызматкери тез арада сууга секирип, кызды жээкке чыгарып, кайгылуу окуянын алдын алган. Анын ыкчам аракетинин аркасында жарандын өмүрү сакталып калган.
Бүгүн аталган кызматкер көрсөткөн кайраттуулугу, ыкчамдыгы жана кызматтык милдетине берилгендиги үчүн ИИМ жетекчилиги тарабынан сыйланды.
Милиция кызматкерине сыйлыкты министрдин биринчи орун басары Адылбек Бийбосунов тапшырды.
"Мындай аракеттер чыныгы кесипкөйлүктүн жана кызматка берилгендиктин үлгүсү болуп саналат", - деди ал.
