Бишкек, 18.03.25. /Кабар/. Кыргызстандын элчиси Эрбол Султанбаев Беларустун клргоо министри Виктор Хренин менен сүйлөшүүлөрдү жүргүздү. Бул тууралуу Тышкы иштер министрлигинен билдиришти.
Жолугушуунун жүрүшүндө тараптар эки өлкөнүн коргоо ведомстволорунун кызматташуу маселелерин, анын ичинде аскердик кызматташууну өнүктүрүү жана аскер кадрларын даярдоо, ошондой эле ЖККУ жана КМШ алкагындагы өз ара аракеттенүү боюнча пикир алышты.
Ошону менен бирге тараптар Улуу Ата Мекендик согуштагы Жеңиштин 80 жылдыгын белгилөө боюнча биргелешкен иш-чараларды өткөрүү маселесин талкуулашты.
