Бишкек, 29.09.26. /Кабар/. Коргоо министри Руслан Мукамбетов Өзбекстандын Кыргызстандагы элчиси Саидикрам Ниязходжаев менен аскердик кызматташтыкты өнүктүрүү маселелерин талкуулады.
Ведомстводон маалыдашкандай, жолугушууда аскердик чөйрөдө жетишилген макулдашууларды ишке ашыруу, аскер кызматчыларынын тажрыйба алмашуусу, биргелешкен иш-чараларды өткөрүү жана аскер кадрларын даярдоо маселелери каралды.
Мындан тышкары, Кыргызстанда өтүшү пландалган КМШга мүчө мамлекеттердин Коргоо министрлер кеңешинин кезектеги жыйынына даярдык көрүү маселеси талкууланды.
Жолугушуунун жыйынтыгында тараптар коргонуу жаатындагы эки тараптуу байланыштарды мындан ары чыңдоого даяр экенин билдиришти.
