Бишкек, 06.04.26. /Кабар/. 2026-жылдын март айында Сейсмологиялык курулуш жана инженердик долбоорлоо мамлекеттик институту тарабынан республика боюнча 81 курулуш объектисине техникалык корутундулар берилген. Бул тууралуу Курулуш министрлиги билдирет.
Мекемеден белгилешкендей, бул корутундулар объекттердин сейсмологиялык туруктуулугуна баа берүүгө, ошондой эле долбоордук чечимдердин коопсуздук талаптарына жана техникалык стандарттарга шайкештигин аныктоого мүмкүндүк берет.
Өткөрүлгөн иштердин алкагында ар кандай багыттагы имараттар, анын ичинде социалдык инфраструктура объекттери камтылды.
Белгилей кетсек, техникалык корутундулар имараттардын техникалык абалын баалоо, анын ичинде аларды реконструкциялоо максатында инженерлер тарабынан даярдалат.
