Бишкек, 10.03.25. /Кабар/. Бишкек шаарындагы "Манка-Жар" коктусундагы дамбаны дамбаны тазалоо иштери жүрдү. Бул тууралуу мэриядан билдиришти.
Маалыматка ылайык, шаардык кызматтардын адистери Өзгөчө кырдаалдар министрлигинин башкармалыгы менен биргеликте суу сордуруу иштерин жүргүзүшкөн. Бүгүнкү күндө суунун деңгээли күн сайын текшерилип жатат.
Мындан тышкары, "Бишкекжашылкурулуш" муниципалдык ишканасынын адистери Арча-Бешик конушундагы Азем көчөсүнөн Бердибаев көчөсүнө чейин жана "Манка-Жар" коктусуна чейин арыктарды тазалоо иштерин жүргүзүүдө. Тазалоо иштерине 5 атайын техника тартылган.
Белгилей кетсек, мындай иш-чаралар жааган жамгырдан улам “Манка-Жарга” жакын жайгашкан үйлөрдүн жашоочуларына коркунуч жаратпашы үчүн өткөрүлүүдө.
Эске салсак, нөшөрлөп жааган жамгырдан улам "Манка-Жар" капчыгайындагы селден суу чыгып, натыйжада Арча-Бешик конушундагы көчөлөрдү жана үйлөрдү (акыркы үч жылда 240 үйдү) суу каптаган.
