Бишкек, 10.11.26. /Кабар/. Бишкек шаарындагы №36 автобус 12-ноябрдан тартып эки өз алдынча багыт боюнча жүрө баштайт. Бул тууралуу мэриядан билдиришти.
Маалыматка ылайык, буга чейин жарым айланма схема менен каттап келген №36 автобус мындан ары эки башка каттамга бөлүнөт. Атап айтканда, алар ар башка багыттар боюнча жүргөн №36 жана №39 автобустары болот.
Өзгөртүү коомдук транспорттун каттамдарын оптималдаштыруу, жүргүнчүлөргө ыңгайлуу шарт түзүү жана автобустардын үзгүлтүксүз каттоосун камсыз кылуу максатында киргизилип жатат.
