Бишкек, 11.11.26. /Кабар/. Ачык кабинет: жоопкерчилик аймагы” медиа долбоорунун алкагында ЖМКлардын коштоосунда Кыргызстан аэропорттору” ААКтын башкармалыгынын башчысы Манасбек Самидиновдун иш күнү башталды.
Ал алгач журналисттерге “Манас” аэропортунда курулган 650 орундук унаа токтотуучу жайды, аэровакзалдын ичинде жүргүзүлгөн оңдоп-түзөө жана жаңылоо иштерин тааныштырды.
Алдыда Манасбек Самидинов ЖМК өкүлдөрү менен “Жалал-Абад” облусуна учуп барат.
Белгилей кетсек, "Ачык кабинет" долбоору мамлекеттик органдардын бир күндүк ишин ЖМКлардын коштоосунда ачык көрсөтүүгө мүмкүнчүлүк берет. Учурда долбоордун экинчи этабы өтүп жатат.
Ага мамлекеттик кызматтардын, агенттиктердин, фонддордун жана уюмдардын жетекчилери катышууда. Буга чейин аталган долбоор министрликтердин арасында уюштурулган.
