Бишкек, 04.11.26. /Кабар/. Бүгүн министрлер кабинетине караштуу “Жашыл энергетика фонду” мамлекеттик мекемеси “Ачык кабинет: жоопкерчилик аймагы” долбоорунун алкагында иш алып барды.
Таң эрте фонддун директору Эмилбек Орозбаев “Биринчи радионун” түз эфиринде мекеменин бүгүнкү күндөгү ишмердүүлүгү, алдыга койгон пландары тууралуу маалымат берип, угармандардын суроолоруна жооп берди.
Андан соң, иш кабинетинде жалпыга маалымдоо каражаттарынын өкүлдөрү менен жолугуп, өлкөдөгү чакан ГЭС, күн жана шамал электр станцияларынын курулушу, өндүрүлүп жаткан электр кубаттуулугу жана келечек максаттары менен бөлүштү.
Орозбаев “Ачык кабинеттин” алкагында “Жашыл энергетика фондунун” президент Садыр Жапаровдун тапшырмасы менен капиталдык оңдоодон өтүп жаткан имараты менен журналисттерди тааныштырды.
Белгилей кетсек, фонддун директору иш күнүнүн негизинде журналисттер менен бирге Чүй облусунун Ысык-Ата районунда жайгашкан “Туюк” чакан ГЭСинин ишинен кабар алды. Маалымдоо каражат өкүлдөрү аталган ГЭСтин электр өндүрүмдүүлүгү, учурдагы иши, келечектеги пландары менен жеринде таанышышты.
