Бишкек, 16.02.26. /Кабар/. Бүгүн Манас шаардык депутаттар кеңешинин кезектеги сессиясы өттү. Бул тууралуу муниципалитеттен билдиришти.
Ага Манас шаарынын мэри Эрнисбек Ормоков, шаардык кеңештин төрагасы Нуртилек Болотов баштаган депутаттар жана шаардагы мекеме-ишканалардын жетекчилери катышты.
Сессияда Манас шаардык финансы башкармалыгынын башчысы Талант Аким уулу шаардын 2026-жылга бюджетинин долбоорун тааныштырып, депутаттар тарабынан бир добуштан колдоо тапты.
Белгилей кетсек, Манас шаарынын 2026-жылга жергиликтүү бюджетинин планы 1 млрд 587,7 млн сом деп бекитилди. Бул көрсөткүч 2025-жылга бекитилген пландан 378,2 млн сомго көп.
