Бишкек, 16.12.25. /Кабар/. Бүгүн курулуш, архитектура жана турак-жай коммуналдык чарба министри Нурдан Орунтаев "Дөөлөт курулуш" компаниясынын жетекчиси жана компанияга нааразычылык билдирип жаткан үлүш ээлери менен жолукту.
Ведомстводон маалымдашкандай, жолугушууда министр "Кудайберген" жана "Шопоков" турак-жай комплекстери боюнча курулуш компаниясынын жетекчисине бир катар суроолор менен кайрылып, курулуш иштеринин жүрүшүн тактады.
Ошондой эле үлүш ээлеринин пикирлерин угуп, келерки жумада компаниянын макулдугу менен атайын комиссиянын катышуусунда бардык объектилерди жеке өзү текшерерин билдирди.
Белгилей кетсек, буга чейин министрлик тарабынан "Дөөлөт курулуш" компаниясына курулуш иштерин жандандыруу жана сапатты камсыз кылуу боюнча эскертүү берилген.
