Бишкек, 24.06.26. /Кабар/. Түштүк-Батыш оперативдик кол башчылыгынын аймагында "Түштүк-2026" мобилизациялык машыгуусу жигердүү уланууда. Бул тууралуу Коргоо министрлигинен билдиришти.
Маалыматка ылайык, пландуу машыгуунун алкагында запастагы аскерлер күжүрмөн даярдык боюнча атайын сабактарга катышууда.
"Учурда запастагы жоокерлер аскердик адистиктери боюнча билимдерин тереңдетип, заманбап курал-жарактарды жана аскердик техникаларды өздөштүрүү боюнча практикалык машыгуулардан өтүп жатышат", - деп айтылат маалыматта.
Коргоо министрлигинен белгилешкендей, мындай иш-чаралар өлкөнүн коргонуу жөндөмдүүлүгүн арттырууга жана запастагы өздүк курамдын күжүрмөн даярдыгын жогорку деңгээлде кармап турууга багытталган.
