Бишкек, 10.07.26. /Кабар/. Президенттин өзгөчө тапшырмалар боюнча атайын өкүлү Бакыт Төрөбаев долбоордун ишке ашырылышын карап чыгуу үчүн Барскоон – Бедел унаа жолунун курулуш аянтчасына барды.
Анда акыркы айларда казуу иштеринин көлөмү бир топ көбөйгөн Сөөк жана Ашуу-Суу туннелдери текшерилди.
Учурда 161 чакырымдык жолдо иштер жүрүп жатат. Көпүрөлөрдү, суу өткөргүчтөрдү жана таяныч дубалдарды куруу иштери уланууда. Курулуш аянтчасында 1700дөн ашык жумушчу жана 814 курулуш техникасы иштеп жатат.
Текшерүүдөн кийин Бакыт Төрөбаев курулуш графигин так сактоону, жогорку сапаттагы жумуштарды аткарууну жана долбоорду өз убагында бүткөрүүнү камсыз кылууну тапшырды.
