Бишкек, 27.06.26. /Кабар/. Кыргызстандын Куралдуу күчтөрүнүн курама командасы Минск шаарында өткөн КМШ өлкөлөрүнүн достук армияларынын арасында аскердик беш түр боюнча XVII чемпионатта байгелүү орунга ээ болушту.
Коргоо министрлигинен билдиришкендей, үстүбүздөгү жылдын 22–26-июнь күндөрү өткөн мелдешке КМШ өлкөлөрүнүн эң күчтүү аскер спортчулары катышкан.
Мелдештин жыйынтыгында Кыргызстандын курама командасы ок атуу жана граната ыргытуу боюнча командалык эсепте үчүнчү орунду ээледи.
