Бишкек, 30.11.25. /Кабар/. Бүгүн, 30-ноябрда өлкө аймагында өтүп жаткан Жогорку Кеңештин депутаттарын шайлоо учурунда ИИМдин Жол кыймылынын коопсуздугун камсыздоо башкы башкармалыгы күчөтүлгөн тартипте иш алып барууда.
Мекеменин маалыматына ылайык, айрыкча ЖКККББнын кызматкерлери шайлоо маалында коомдук тартипти жана жол кыймылынын коопсуздугун камсыздоо үчүн бардык аймактарда күчөтүлгөн режимде нөөмөттө турушат.
"Жол тескөөчүлөрү шайлоого келген жарандарга ыңгайлуу шарт түзүү, добуш берүү тилкелеринин айланасындагы тыгындардын алдын алуу жана транспорттун үзгүлтүксүз жүрүшүн камсыздоо максатында иштерди жүргүзүп жатышат",-деп айтылат маалыматта.
