Бишкек, 23.02.26. /Кабар/. 2026-жылдын 1-январына карата республика боюнча катталган унаалардын жалпы саны 1 909 961ди түздү.
Жаратылыш ресурстары, экология жана техникалык көзөмөл министрлигинен билдиришкендей, бул көрсөткүч 2024-жылдагы 1 697 100 унаага салыштырмалуу 13 пайызга өскөнүн көрсөтөт.
Катталган унаалардын түзүмү төмөнкүдөй:
- 972 252 – бензин менен жүргөн унаалар (51%)
- 57 310 – газ менен жүргөн унаалар (3%)
- 339 938 – дизель унаалары (18%)
- 56 997 – газ/бензин аралаш (3%)
- 37 295 – гибрид унаалар (2%)
- Калганы – башка түрлөрү
Ошондой эле автопарктын жаңылануу тенденциясы байкалууда. 2024-жылы 5 жылга чейинки унаалардын үлүшү 1,5 пайызды түзсө, 2025-жылы бул көрсөткүч 4,5 пайызга жетти.
