Бишкек, 05.06.26. /Кабар/. Кыргызстандын Кызыл китеби жаңыланат. Жаратылыш ресурстары, экология жана техникалык көзөмөл министрлиги Улуттук илимдер академиясы менен биргеликте бул багытта иш алып барат.
Тараптар кызматташуу боюнча расмий документке бүгүн, 5-июнда — Дүйнөлүк айлана-чөйрөнү коргоо күнүнө карата уюштурулган иш-чаранын алкагында кол коюшту.
Кызыл китеп — бул жок болуп кетүү коркунучунда турган, саны азайып бараткан же сейрек кездешкен жаныбарлардын, канаттуулардын жана өсүмдүктөрдүн түрлөрүнүн расмий тизмеси камтылган өзгөчө мамлекеттик укуктук документ болуп саналат.
