Бишкек, 13.11.26. /Кабар/. Кыргызстанда аскердик жана жарандык багыттагы жеңил брондолгон автоунааларды өндүрүү жана чогултуу долбоору ишке ашырылууда.
Инвестициялар боюнча улуттук агенттиктен билдиришкендей, ага тартылган инвестициянын жалпы көлөмү 10 млн долларды түзөт.
Күн мурун агенттиктин башчысы Равшанбек Сабиров долбоорду ишке ашырып жаткан "С.М. ИЛБИРС" ЖЧКсынын ишмердүүлүгү менен таанышты.
Иш сапардын жүрүшүндө өндүрүштүн учурдагы абалы, ишкананын кубаттуулугу жана аны мындан ары өнүктүрүү мүмкүнчүлүктөрү талкууланды.
Долбоордун алкагында 30 жаңы жумуш ордун түзүү каралган.
Улуттук агенттик ата мекендик өндүрүштү өнүктүрүүгө багытталган инвестициялык долбоорлорду колдоону жана инвесторлорду коштоону улантарын белгиледи.
