Бишкек, 25.03.26 /Кабар/. Бүгүн кыргыз тараптын демилгеси менен Кыргызстандын тышкы иштер министри Жээнбек Кулубаев Өзбекстандын тышкы иштер министри Бахтиёр Саидов менен телефон аркылуу сүйлөшүү өткөрдү.
ТИМден билдиришкендей, сүйлөшүүнүн жүрүшүндө тараптар кыргыз-өзбек эки тараптуу кызматташуунун актуалдуу маселелерин, анын ичинде жогорку жана жогорку деңгээлдеги алдыдагы сапарлардын негизги параметрлерин даярдоо жана макулдашуу маселелерин талкуулашты.
Мурда жетишилген макулдашууларды ишке ашырууну жана биргелешкен демилгелерди илгерилетүүнү камтыган соода-экономикалык кызматташууну мындан ары кеңейтүү боюнча практикалык кадамдар каралды.
Аймактык жана эл аралык күн тартибиндеги актуалдуу маселелер боюнча пикир алмашуу болду.
Тараптар кыргыз-өзбек кызматташуусун мындан ары тереңдетүүгө жана активдүү саясий диалогду улантууга өз ара даяр экенин тастыкташты.
