Бишкек, 05.02.26. /Кабар/. "Кыргызстан улуттук электр тармагы" ААК 2026-жылдын биринчи жарым жылдыгында 35 даана атайын техника сатып алат. Бул тууралуу Энергетика министрлигинен билдиришти.
Техникалар капиталдык курулуш планын ишке ашыруу, электр тармактарынын инфраструктурасынын ишенимдүүлүгүн жана натыйжалуулугун жогорулатуу, бөлүштүрүүчү тармактардын үзгүлтүксүз иштешин камсыздоо максатында өздүк каражаттын эсебинен сатып алынат.
Сатылып алына турган техникалардын тизмеси:
- 16 даана - бригадалык унаа;
- 8 даана – эксковатор;
- 8 даана – автовышка (25 метр);
- 3 даана - жүк ташуучу унаа.
Бул техникалар тармактын ишинин натыйжалуулугун жогорулатууга жана тармактын материалдык-техникалык базасын күчөтүүгө жардам берет.
Маалымат үчүн: 2025-жылы "Кыргызстан улуттук электр тармагы" ААК өздүк каражатынын эсебинен 140 атайын техника сатып алган.
