Бишкек, 25.02.26. /Кабар/. Күн мурун Женева шаарында тышкы иштер министри Жээнбек Кулубаев Словениянын премьер-министринин орун басары - тышкы жана европалык иштер министри Таня Файон менен жолукту.
Ведомстводон маалымдашкандай, сүйлөшүүлөрдүн жүрүшүндө тараптар кыргыз-словен мамилелеринин азыркы абалы жана өнүгүү келечегин талкуулап, эки тараптуу жана эл аралык уюмдардын алкагында кызматташууну андан ары чыңдоого өз ара кызыкдар экендигин ырасташты.
Тараптар кыргыз-словен өнөктөштүгүн мындан ары да ырааттуу өнүктүрүүгө умтуларын тастыкташты.
