Бишкек, 12.03.26. /Кабар/. Бүгүн экономика жана коммерция министри Бакыт Сыдыков Кореянын Кыргызстандагы элчиси Ким Квангджэ менен жолукту. Бул тууралуу ведомстводон билдиришти.
Жолугушуунун жүрүшүндө тараптар эки тараптуу соода-экономикалык мамилелердин учурдагы абалын жана аны өнүктүрүүнүн келечектүү багыттарын талкуулашты.
Министр Бакыт Сыдыков Кореяны ишенимдүү өнөктөш катары белгилеп, экономиканын бардык тармактарына жаңы технологияларды киргизүү боюнча корей тажрыйбасы Кыргызстандын социалдык-экономикалык өнүгүүсүнө чоң түрткү берерин айтты.
Элчи Ким Квангджэ Кыргызстандын министрлер кабинетинин инвестициялык долбоорлорду ишке ашыруу жана "жашыл" экономикага өтүү багытындагы аракеттерине жогору баа берди.
Тараптар соода жүгүртүүнү диверсификациялоо, кызматташтыктын учурдагы механизмдерин илгерилетүү жана экономикалык байланыштарды чыңдоо боюнча жаңы демилгелерди карашты.
Жыйынтыгында эки өлкөнүн ортосундагы экономикалык өнөктөштүктү жаңы деңгээлге көтөрүү жана өз ара пайдалуу долбоорлорду колдоо боюнча макулдашылды.
