Бишкек, 15.10.26. /Кабар/. Күн мурун экономика жана коммерция министринин орун басары Медербек Туманов Бангладештин тышкы иштер боюнча катчысы Асад Алам Сиам менен жолугушту.
Экономика министрлигинен билдиришкендей, тараптар өз ара сооданы көбөйтүү, кыргыз продукциясын Бангладеш рыногуна чыгаруу, текстиль жана тигүү өнөр жайларында кызматташуу, ошондой эле инвестиция, фармацевтика жана халал индустриясы боюнча биргелешкен долбоорлорду талкуулашты.
Мындан тышкары, кош салык салууну болтурбоо боюнча сүйлөшүүлөрдү жандандыруу маселеси каралды.
