Бишкек, 02.03.26. /Кабар/. Бүгүн Бишкекте “Түрк дүйнөсүнүн балдар оюндары” фестивалынын алкагында мугалимдерди окутуу башталды. Бул тууралуу Агартуу министрлигинен билдиришти.
Ведомствонун маалыматында белгиленгендей, иш-чара салттуу балдар оюндарын жайылтуу, түрк мамлекеттеринин балдарынын маданий байланыштарын чыңдоо, ошондой эле балдар оюндары боюнча бирдиктүү архив түзүү максатында уюштурулууда.
Окутууга Агартуу министрлигинин өкүлдөрү жана Түркиядан келген адистер катышууда.
Программанын алкагында Түркиядан 4, Кыргызстандан 4 улуттук балдар оюну тааныштырылып, аларды түрк мамлекеттеринин арасында жайылтуу боюнча усулдук иштер жүргүзүлдү.
Иш-чарага Кыргызстандан 30 мугалим жана тарбиячы катышууда, ал 3 күнгө созулат.
