Ысык-Көл, 03.09.26. /Кабар/. Кырчын капчыгайында VI Дүйнөлүк көчмөндөр оюндарынын алкагында этнобазар иштеп жатат. Анда коноктор жергиликтүү усталардын колунан жасалган буюмдар менен таанышып, улуттук товарларды сатып ала алышат.
Соода катарларында түрдүү сувенирлер, этностилдеги элементтер камтылган салттуу жана заманбап кийимдер, зер буюмдар, сүрөттөр, оюнчуктар, китептер, декоративдик-колдонмо өнөрүнүн буюмдары жана башка товарлар коюлган.
Коноктордун көңүлүн өзгөчө кыргыздын салттуу оймо-чиймелери жана улуттук оймо-чиймелер колдонулган кол эмгектери бурууда. Соодагерлердин көбү сунушталып жаткан буюмдарды өздөрү жасап, улуттук маданияттын элементтерин сактоо менен аларды заманбап буюмдарда кайрадан жаңыртып келишет.
Этнобазар соода аймагы гана болбостон, Дүйнөлүк көчмөндөр оюндарынын коноктору кыргыз элинин маданияты жана чыгармачылыгы менен жакындан тааныша турган аянтчалардын бирине айланды.
