Бишкек, 11.08.26. /Кабар/. Режиссер Садык Шер-Нияз тарткан "Курманжан датка. Тоолордун ханышасы" тасмасы 7-августта Аргентинанын Буэнос-Айрес шаарында көрсөтүлдү. Бул тууралуу уюштуруучулар билдиришти.
Ошондой эле иш-чаранын алкагында кыргызстандык жазуучу Бүбайша Арстанбекованын Лондондо англис тилинде жарык көргөн "Kurmanjan Datka: Queen of the Mountains" китеби да тааныштырылды.
Кино көрсөтүүгө дипломаттар, маданият өкүлдөрү, жазуучулар, кинематографисттер жана жергиликтүү тургундар катышты.
Белгиленгендей, бул иш-чара Кыргызстан менен Латын Америкасынын ортосундагы маданий байланышты кеңейтүүгө багытталган эл аралык долбоордун алкагында өттү.
