Бишкек, 28.11.25. /Кабар/. 26-ноябрдан баштап Коргоо министрлигинин кошуундарында, аскер бөлүктөрүндө жана мекемелеринде коопсуздук чараларын сактоо боюнча сабактар өткөрүлүүдө. Бул тууралуу аталган министрликтен маалымдашты.
Ага ылайык, аскер кызматчыларга курал-жарактарды жана аскердик техниканы туура колдонуу жана сактоо эрежелери түшүндүрүлдү. Биринчи медициналык жардам көрсөтүү ыкмалары боюнча да практикалык сабактар өткөрүлдү.
Ошондой эле кызматты коопсуз алып баруу шарттарын камсыз кылуудагы талаптар, өзгөчөлүктөр жана алардын маанилүүлүгү жеткирилди.
