Бишкек, 01.12.25. /Кабар/. 28-ноябрда Кореянын Кванджу шаарында "Семетей" спектакли эки тилде көрсөтүлдү.
Маданият, маалымат жана жаштар саясаты министрлигинен билдиришкендей, спектакль Корея улуттук Азия маданият борборунун базасында корея-кыргыз чыгармачылык тобу тарабынан заманбап негизде даярдалган.
Спектаклди көрүүгө министрдин биринчи орун басары Союзбек Надырбеков, Кванджу шаарынын чыгармачылык интеллегенциясы, театр сүйүүчүлөрү катышты.
Спектаклден соң Надырбеков Кванджу шаарында билим алып жүргөн студенттер менен пикир алышты.
Аталган спектакль 11-12-декабрь күндөрү Бишкек шаарында коюлат.
