Бишкек, 30.11.25. /Кабар/. Кореяда Кыргызстандын Жогорку Кеңешинин депутаттарын мөөнөтүнөн мурда шайлоо үчүн 4 шайлоо тилкеси иштеп жатат. Бул тууралуу Кыргызстандын Кореядагы элчиси Аида Исмаилова социалдык тармактагы баракчасына жазды.
Анын маалыматына караганда, алар:
- Сеул шаарында — №9042 шайлоо тилкеси;
- Инчхон шаарында — №9068 шайлоо тилкеси;
- Тэджон шаарында — №9070 шайлоо тилкеси;
- Сувон шаарында — №9069 шайлоо тилкеси.
"Бүгүн кыргызстандыктар үчүн абдан маанилүү жана жооптуу күн — жарандар кайсы жерде жүргөнүнө карабастан, элдин татыктуу өкүлдөрүн тандоо күнү. Учурда Кореяда да биздин жарандар добуш берүү үчүн участокторго келип жатышат", - деп жазды ал.
