Бишкек, 26.02.25. /Кабар/. Ата Мекенди коргоочулар күнүнө карата Кой-Таш айылында жайгашкан №73809 аскер бөлүгүндө Бишкектин №81, 83, 86, 99, 101, 106, 108 мектептердин окуучулары үчүн экскурсия уюштурулду.
Муниципалитеттен билдиришкендей, экскурсиянын жүрүшүндө окуучулар аскердик техникалар менен таанышып, жоокерлердин күнүмдүк турмушун көрүштү.
Экскурсиянын негизги максаты өсүп келе жаткан муундардын Мекенге болгон сүйүүсүн, патриоттук сезимин ойготуу болду.
Ошондой эле №24-мектептин окуучулары абадан коргонуу аскер бөлүгүнө экскурсия жасап, алардын аскердик кызмат жана анын Ата Мекенди коргоодогу мааниси тууралуу түшүнүктөрүн дагы да байытты.
Белгилей кетсек, бул экскурсия жаштар арасында аскердик кызматка болгон сый-урматты жана өз өлкөсү менен сыймыктанууну калыптандыруудагы маанилүү кадам болуп калды.
